【第285期】འབུ་མེ་ལྕེབས།

文章摘要:ངས་ངོ་ཤེས་པའི་གྲོགས་པོ་ཚེའི་ཁྲོད་དུ་འབུ་མེ་ལྕེབས་ལ་དགའ་མཁན་མང་བོ་མེད།

འབུ་མེ་ལྕེབས།(དང་པོ)

ཁ་བ་སྙིང་ལྕགས།
 

     ངས་ངོ་ཤེས་པའི་གྲོགས་པོ་ཚེའི་ཁྲོད་དུ་འབུ་མེ་ལྕེབས་ལ་དགའ་མཁན་མང་བོ་མེད། ཡིན་ནའང་དེ་ཙམ་གྱིས་ང་རང་འབུ་མེ་ལྕེབས་ལ་དགའ་བར་ཚོད་འཛིན་གང་ཡང་ཐེབས་མི་སྲིད་དེ། འབུ་མེ་ལྕེབས་ནི་ང་རང་དགའ་སའི་བྱ་བྱིའུ་འབའ་འབུ་ཐམས་ཅད་ཀྱི་ནང་ནས་ཆེས་ཡིད་དུ་འོང་བ་དེ་ཡིན་ལ། དོན་ངོ་མས་ཀྱང་ཡིད་དུ་འོང་བ་ཞིག་ཡིན།

      ནམ་རྒྱུན་དབྱར་གནང་གི་སྐབས་སུ་ཕྱིར་ཕ་ཡུལ་དུ་ལོག་དུས་འབུ་མེ་ལྕེབས་མང་བོ་མཐོང་ཐུབ་ལ། ཁྱད་པར་དུ་མཚན་མོར་མཐོང་ཐུབ་པའི་འབུ་མེ་ལྕེབས་ནི་ཉིན་མོར་མཐོང་ཐུབ་པ་ལས་ཀྱང་མང་། དེ་བས་ང་རང་ཡང་ཉིན་མོ་ལས་མཚན་མོར་ལྷག་ཏུ་དུངས། མཚན་སྨག་གི་ཀློང་ནས་འོད་སྣང་འཚོལ་མཁན་གྱི་འབུ་མེ་ལྕེབས་ལ་དེ་བས་ཀྱང་དགའོ།

      ངའི་ཕ་ཡུལ་ནི་འབྲོག་ཁུལ་ཡིན་ལ། དབྱར་གནང་གི་སྐབས་སུ་རུ་བ་དབྱར་སར་སྤོས་ཡོད་པས། སྐབས་དེ་དག་ནི་མཐིང་སྨུག་སྦྲ་ཆུང་གི་མཛེས་པ་བག་མེད་ཀྱིས་རོལ་མྱོང་བྱས་ཆོག་པའི་དུས་ཚོད་ཅིག་ཡིན། སྤོ་བོ་དང་རྨོ་མོས་བཤད་ན་སྔོན་ཆད་དགུན་ཟླ་བཅུ་བའི་ནང་དུའང་སྦྲ་ནག་གི་ནང་དུ་འདུག་དགོས་ཟེར། ང་ཆུང་དུས་དེ་ལ་ཡིད་ཆེས་མ་མྱོང་མོད། རྗེས་སུ་བསམ་ན་བདེན་པ་འདྲ་ཡིན་ལས་ཆེ་ཡང་སྙམ་བྱུང་། གང་ལྟར་ད་ནི་ཁང་བ་ཡོད་པས་དབྱར་ཁར་མ་གཏོགས་སྦྲ་ནང་དུ་འདུག་དགོས་མེད་པས། དབྱར་ཁ་ནི་ཕ་ཡུལ་དང་སྦྲ་ནག་ལ་དུངས་པའི་མི་ཞིག་ལ་མཚོན་ན་ལྷག་པར་གཅེས་སུ་འོས་པ་ཞིག་ཡིན་ངེས་རེད། ཡིན་ནའང་ང་རང་ཕ་ཡུལ་དང་ཕ་ཡུལ་གྱི་དབྱར་ཁ་ལ་དུངས་པ་ནི་སྦྲ་ནག་གི་ནང་དུ་འདུག་རྒྱུའི་དོན་དེ་ཁོ་ན་མ་ཡིན་པར། ད་དུང་འབུ་མེ་ལྕེབས་མཐོང་ཐུབ་པས་ཀྱང་ཡིན།

     འབྲོག་ཁུལ་གྱི་དབྱར་སར་མཚོན་ན་ད་དུང་ཆུ་གློག་གི་འཛུགས་སྐྲུན་བྱས་མེད་པས། མཚན་མོར་ཡུན་རིང་དུ་འདུག་མཁན་ནི་མང་བོ་མེད་ཀྱང་། འབྲོག་ཁུལ་གྱི་ནུབ་ཇ་ནི་གྲོང་ཁྱེར་ལྟར་ཉི་མ་ཚང་ལ་མ་ནུབ་གོང་ནས་འཐུང་བ་ཞིག་མ་ཡིན་པར། མཚམས་སྤྲིན་ཡང་དམར་པོ་ནས་ནག་པོར་གྱུར་ཏེ་མུན་ནག་གི་མཚན་མོས་ས་གཞི་གཡོགས་དུས་ད་གཟོད་ཐབ་ཀའི་ནང་གི་མེ་འོད་ཀྱི་འོག་ནས་སོས་དལ་བག་ཡངས་སྒོས་འཐུང་བར་མོས་ལ། དེ་ནི་ཁྱིམ་མི་ཚང་མས་ཉིན་གཅིག་གི་ལས་ཀ་ཡོངས་སུ་ལས་ཚར་བའི་དུས་སྐབས་ཡིན་པས། སྦྲ་ནག་ཆུང་ཆུང་དེའི་ནང་ན་དྲོད་ཁོལ་གྱིས་བརྟས་པའི་དགོད་སྒྲ་ལྷོག་ལྷོག་ཏུ་གདུ་བཞིན་ཡོད།

      ཡིན་ནའང་འབུ་མེ་ལྕེབས་ཀྱི་ལོག་ཕེབས་ལ་དོ་སྣང་བྱེད་མཁན་ནི་མང་བོ་མེད་ལ། འབུ་མེ་ལྕེབས་ཀྱི་ལས་དབང་ལ་སེམས་ཁུར་བྱེད་མཁན་ནི་དེ་བས་ཀྱང་དཀོན་པོ་རེད།

      ང་རང་ཕ་ཡུལ་ལ་ལོག་དུས་ནི་ལུགས་རྙིང་གི་ཟླ་དྲུག་པའི་ནང་དུ་ཡིན་ལ། དེ་ནི་འབུ་མེ་ལྕེབས་ཀྱང་ཆེས་མང་བོའི་དུས་སྐབས་ཡིན། ངས་ནུབ་ཇ་འཐུང་རྗེས་བྱ་བ་གཞན་གང་ཡང་སྒྲུབ་པར་མི་སྲིད་དེ། འབུ་མེ་ལྕེབས་ཀྱི་ལོག་ཕེབས་ལ་སྒུག་རྒྱུ་ནི་ང་རང་ཆེས་སྤྲོ་སྣང་ལྡན་པའི་བྱ་བ་དེ་ཡིན། འབུ་མེ་ལྕེབས་ཀྱིས་ཀྱང་ངའི་བསམ་ཚོད་དེ་ཤེས་ཀྱིན་ཡོད་པ་འདྲ་སྟེ། ང་ལ་ཡུན་རིང་སྒུག་ཏུ་མི་འཇུག་པར་སྔ་མོ་ནས་འཕུར་ཡོང་།

དོན་ངོ་མར་དེ་ཡང་ང་ཁོ་ནའི་ཆེད་དུ་མ་ཡིན་ཏེ། རྩྭ་ཐང་གི་མཚན་མོར་མཚོན་ན་ནམ་མཁའི་སྐར་མ་དང་སྦྲ་ནག་ནང་གི་མེ་ལྕེ་ལས་འོད་སྣང་མེད་ལ། ནམ་མཁའ་ནི་བར་ཐག་གིས་མི་ཆོད་པས། འབུ་མེ་ལྕེབས་དག་སྦྲ་ནག་གི་ནང་དུ་མི་ཡོང་ཐབས་མེད་ཡིན། ཡིན་ནའང་འོད་སྣང་ལ་དུངས་པའི་འབུ་མེ་ལྕེབས་མ་གཏོགས་འབུ་གཞན་པ་དག་ཡོང་བར་མི་སྲིད་དེ། དེ་དག་གིས་འོད་སྣང་ལ་སྒུག་ནས་འདུག་རྒྱུ་ལས་རང་ཉིད་ཀྱིས་འོད་སྣང་འཚོལ་བར་མི་ནུས་སོ། །

      ཡུལ་མི་ཚོས་བཤད་ན་འབུ་མེ་ལྕེབས་ནི་འབུའི་རིགས་དག་ལས་ཆེས་གླེན་པ་དེ་རེད་ཟེར་ལ། འབུ་མེ་ལྕེབས་ལ་དགའ་བའི་ང་ནི་འབུ་མེ་ལྕེབས་ལས་ཀྱང་གླེན་པ་རེད་ཟེར། ངས་དེ་དག་ལ་ཁ་ཡ་ཆེན་པོ་བྱས་མ་མྱོང་སྟེ། དེ་ནི་འབུ་མེ་ལྕེབས་ཀྱི་ཚེ་སྲོག་གི་དོན་སྙིང་རྟོགས་མ་ཐུབ་པའི་སྐད་ཆ་རྐྱང་རྐྱང་རེད་ལ། འབུ་མེ་ལྕེབས་ཀྱི་ལས་དབང་ལ་བསམ་གཞིགས་བཏང་མ་མྱོང་བའི་བཤད་སྟངས་ཁོ་ན་ལས་ཅི།

      རྩྭ་ཐང་དུ་ཆར་བ་མ་བབས་ན་སྦྲ་ནག་གི་སྒོ་ཕྱར་ཐང་ལ་མི་འདོགས་པས། དེ་ནི་འབུ་མེ་ལྕེབས་ལ་མཚོན་ན་སྟབས་བདེ་ཆེན་པོ་ཞིག་ཡིན། ཡིན་ནའང་མཚམས་ལན་རེར་སྦྲ་ནག་གི་སྒོ་ཕྱར་ཐང་ལ་བཏགས་ཀྱང་འབུ་མེ་ལྕེབས་ཀྱི་ལོག་ཕེབས་ལ་དཀའ་ཁག་ཆེན་པོ་བཟོ་མི་སྲིད་དེ། ཁོ་ཚོ་སྔར་བཞིན་སྦྲའི་ཧྲག་བར་དང་ཁ་འཚུབ་ལས་འཕུར་ནས་ཡོང་ངེས་ཡིན།

      གང་ལྟར་འོད་སྣང་མ་རྙེད་ན་ཁོ་ཚོ་རང་དགར་འདུག་མི་སྲིད། འོད་སྣང་འཚོལ་བ་ནི་འབུ་མེ་ལྕེབས་ལ་མཚོན་ན་འཇིག་རྟེན་འདིར་གསོན་པའི་དོན་སྙིང་འབའ་ཞིག་ཡིན།

     སྦྲ་ནག་ནང་གི་མེ་ཁ་གསོ་ས་ནི་བོད་ཐབ་ཡིན་ལ། དེ་ནི་ཕལ་ཆེར་འབྲོག་ཁུལ་དུ་མ་གཏོགས་མེད་ཚོད་རེད། འབྲོག་པ་ཚོས་བོད་ཐབ་ནང་དུ་ཨོང་བ་གང་རེ་དེད་རྗེས་སེམས་བདེ་བག་ཕེབས་ཀྱིས་གཉིད་ལ་རོལ་མོད། དེ་ནི་འབུ་མེ་ལྕེབས་ཀྱི་ཆེད་དུ་གཟས་པ་ནི་གཏན་ནས་མིན། ཡིན་ནའང་འབུ་མེ་ལྕེབས་ལ་མཚོན་ན་དེ་ནི་འབྲོག་པ་ཚོའི་བཀའ་དྲིན་ཡིན་ཏེ། གལ་ཏེ་དེ་འདྲ་མ་ཡིན་ཚེ་འབུ་མེ་ལྕེབས་ཀྱི་མཚན་མོ་ལ་དོན་སྙིང་ཅི་ཡང་ཡོད་མི་སྲིད།

      འབུ་མེ་ལྕེབས་ནི་འོད་སྣང་ཁོ་ན་རྙེད་པ་ཙམ་གྱིས་ཆོག་ཤེས་བསྟེན་ཐུབ་པ་ཞིག་ཀྱང་མིན་ཏེ། ཁོ་ཚོའི་དམིགས་ཡུལ་ནི་འོད་སྣང་རྙེད་རྒྱུ་དེ་ཙམ་མ་ཡིན་པར། རང་ལུས་ཆུང་ཆུང་དེ་དང་ཚེ་སྲོག་དམར་པོ་དེ་ཡང་འོད་སྣང་ལ་ཕངས་མེད་དུ་འབུལ་རྒྱུར་བརྩོན་ངེས། དེ་ནི་ཁོ་ཚོས་འོད་སྣང་འཚོལ་བའི་ཆེས་མཐར་ཐུག་གི་དམིགས་ཡུལ་ཡང་ཡིན་པ་འདྲ།

      འོད་སྣང་རྙེད་པའི་འབུ་མེ་ལྕེབས་དག་གིས་འོད་སྣང་ལ་སྐོར་བ་གང་མང་ཞིག་བརྒྱབ་རྗེས། གཞི་ནས་འོད་སྣང་དེ་མེ་དཔུང་ཞིག་ཡིན་པའི་བདེན་ཁ་རྙེད་པ་དང་འདྲ་བར། ཁོ་ཚོ་ཚམ་ཚོམ་སྤུ་ཙམ་ཡང་མེད་པར་མེ་དཔུང་གི་ཀློང་དུ་མཆོངས་བར་བྱེད།

      མཚན་མོར་ཐབ་ཀའི་ནང་དུ་མེ་ཁ་ཆེན་པོ་རེ་གསོས་རྗེས་མལ་དུ་ཉལ་ནས་བསྡད་ན། འབུ་མེ་ལྕེབས་དག་སྦྲའི་ཁ་འཚུབ་བརྟོལ་ནས་འཕུར་ཡོང་ཚུལ་ནི་ཐག་རིང་ན་འོད་མདངས་ཆེམ་ཆེམ་འཚེར་གྱིན་པའི་སྐར་མ་ཆུང་ཆུང་དེ་དག་གི་སྟེང་ནས་འཕུར་ཡོང་བ་དང་འདྲ་ཞིང་། འབུ་མེ་ལྕེབས་ཚག་སྒྲ་དང་བཅས་ཏེ་ཐབ་ཀའི་ནང་དུ་མཆོངས་བ་ནི་ཚ་གདུང་གིས་མ་བཟོད་པའི་གླང་ཆེན་དག་མེ་ཏོག་པདྨའི་མཚོ་ལ་ཞུགས་པའི་སྣང་བ་འདུག

      ངས་མིག་ཟུང་དལ་མོར་བཙུམས་ནས་བསམ་གཞིག་རེ་བགྱིས་པ་ན། རང་ཉིད་ནི་འབུ་མེ་ལྕེབས་འདི་དག་ཤི་རྗེས་ཤུལ་དུ་ལུས་ཤིང་ཚིག་དྲིས་ཀུན་ནས་འགེངས་པའི་བེམ་པོ་དག་ལའང་མི་དོ་བའི་སྣང་བ་སྟེར་བས། མཚམས་འདིར་བསླེབས་དུས། ངས་དབྱར་གྱི་མཚན་ནུབ་རིང་མོར་གཉིད་ཀྱི་བདེ་བ་གཞར་ཡང་མྱོང་ཐབས་བྲལ།

       ཡིན་ནའང་ད་ལྟ་མེ་འབུད་མཁན་ཇེ་ཉུང་ནས་ཇེ་ཉུང་དུ་འགྲོ་བཞིན་ཡོད་ལ། སྒོས་སུ་ཆུ་གློག་འཐེན་པ་ནས་འབྲོག་ཁུལ་དུ་ཉི་གློག་ཀྱང་དར་གྱིན་འདུག་པས། ངས་ཅི་ཡིན་འདི་ཡིན་མེད་པར་ཡིད་དུ་འོང་བའི་འབུ་མེ་ལྕེབས་དེ་དག་གི་ལས་དབང་ལ་སེམས་ཁུར་ཐན་ཐུན་རེ་ཡང་བྱེད་དགོས་བྱུང་། འོད་ལུས་ལ་འཐིམ་དགོས་པའི་བདེན་པ་ཞིག་ལ་མཚོན་ན། འོད་སྣང་རྙེད་ཀྱང་ཚེ་སྲོག་དབུལ་མི་ཐུབ་པ་ནི་སྡུག་བསྔལ་ལས་ཀྱང་སྡུག་བསྔལ་གཏོས་ཆེ་བ་ཞིག་མ་ཡིན་གྲང་།

       གང་ལྟར། རྩྭ་ཐང་གི་མཚན་གཞུང་ན་དྲོད་ཁོལ་གྱིས་འབར་བའི་མེ་ལྕེའི་མཆེད་མཚམས་མ་བཞག་པའི་བར་དུ། ངས་ནི་འབུ་མེ་ལྕེབས་ཀྱིས་རང་ལུས་འོད་སྣང་གི་ཆེད་དུ་བསྟིམས་ཕོད་པའི་གཟི་ཉམས་དེ་སྔར་བཞིན་ལོངས་སུ་སྤྱོད་པར་འདོད་ལ། ནམ་ཞིག་རྩྭ་ཐང་གི་འབྲོག་པ་རྣམས་ཀྱིས་ཀྱང་མེ་ཡི་འབུད་མཚམས་བཞག་རུང་། ངས་སྔར་བཞིན་རྩྭ་ཐང་དུ་མེ་དཔུང་ཆེས་ཆེར་སྒྲོན་དེ། འབུ་མེ་ལྕེབས་ཀྱི་ལོག་ཕེབས་ལ་རེ་བས་སྒུག་འདོད།

 

飞蛾

       我所认识的朋友当中,很少有喜欢飞蛾的,然而那也不能限制我对飞蛾的喜爱。在所有鸟雀鱼虫之中,我觉得飞蛾最可爱,事实上也是最可爱的。

       平时,暑假回家总能见到很多飞蛾,特别是在夜间,能看到的飞蛾也比白天多。因此,和白天相比我更迷恋夜晚,也更着迷在黑暗中寻找光明的飞蛾。

       我的家乡在牧区,暑假的时候会移居到夏季牧场,那段时间,正是享受体验藏式小毡房美丽浪漫的时节。听爷爷奶奶讲,从前十月寒冬也得住毡房。我年少时并不信服他们说的。后来,我反复寻思真实性可能很大。总之,因为现在有了房屋,除了夏季外不再需要毡房,所以夏天对热爱家乡和黑帐篷的人确实极其珍贵。但是,我不是单单恋慕家乡和她的夏天、或是住在黑帐篷里,也是为了能看到飞蛾。

       牧区的夏季草场还没有建设水电工程,长夜居住的人也不多。牧区的晚餐不像在城市,日落前是不会进餐的。当红色的云霞变得暗淡,夜色笼罩的时候,这才在温暖的炉火旁休息,安闲地进餐。此刻,全家人结束了一天所有的工作,小小的、温暖的黑帐篷里萦绕着喜悦的欢笑声。

       然而,很少有人注意飞蛾的归期,对飞蛾命运关心的人更少。

       阴历六月份,我自己回到家乡时,也是飞蛾最多的季节。我吃完晚饭,不会做其他的事,等待飞蛾的到来,就是我最为高兴的事。好像飞蛾也猜到我的心思,不会让我久等总是如期飞来。

       实际上,那也不是我唯一的原因。草原的夜晚,只有天空的星星和黑帐篷里的火光,没有别的光线,遥远的天际,飞蛾不得不在黑帐篷内。除了喜爱光线的飞蛾,其它的昆虫是不会来的。那些昆虫除了等待光明,却不会自己寻找光明。

       乡亲们说“飞蛾是最笨的昆虫,着迷于飞蛾的我比起飞蛾更笨”。我没很在意他们,那些只是不懂飞蛾生命意义的话,和未曾考虑过飞蛾命运的说法。

       草原上非雨季时,黑帐篷的门帘是不佩挂起来的,这非常方便飞蛾飞进毡房。虽然,有时候黑帐篷的门帘铺陈,但也不能给飞蛾的归来带来太多的困难。它们照旧由黑帐篷的裂缝和天窗顶盖飞进来。

       总之,若未发现光明,它们是不会随意放弃的。寻觅光明,是飞蛾在这世间生存的唯一意义。

       黑帐篷里生火用的是牧区才有的藏式炉。牧民们用干牛粪填满藏炉,便在旁边打起瞌睡。虽然炉火不是特为飞蛾点燃,但是对飞蛾来说,那是牧民们的恩惠。若非如此,黑夜里飞蛾的生命就没有任何意义。

       飞蛾不会只为寻觅到光明时而感到知足,它们的目的不仅是为寻觅光明,似乎不惜将渺小的身躯、鲜红的生命献给光明,才是他们最终目的。

       寻觅光明的飞蛾们,围绕着光飞旋,似乎这才发现那光正是它们找寻的火堆。它们毫不犹豫地跃入火堆中。

        夜晚躺在床上,炉内的火熊熊燃烧。飞蛾们穿过黑帐篷的天窗顶盖飞进来,好似遥远光泽晃曜的小星星从天上飞入,伴随着沙沙地爆裂声跃入炉膛,有如象群难忍炎热涌进莲花池。

       我缓慢的闭上双眼思忖,充满各种问题,感觉自己不能与这些飞蛾死后留下的遗骸相比。顷刻间,漫长的夏夜,我无法安然入睡。

       虽然现在生火的人越来越少,特别是伴随水力发电,牧区太阳能发电也发达起来。我不能说这是好是坏,以致又对那些可爱飞蛾的命运有些忧虑。对于需要溶入辉耀的事实,寻觅光明却不能奉献生命,何尝不是巨大的痛苦呢?

       总之,在草原上温暖燃烧的火焰熄灭之前,我愿用双眼领略飞蛾溶入光明。总有一天,草原的牧民们不再生火,我向往依旧点燃熊熊的火堆,希冀等待着飞蛾的归来。


 

双语阅读排行榜

特色视频教学

更多>>

藏汉双语网版权所有 copyright@zanghansy.com

京ICP备05053385号-4